Una Inirnirit Ilitaqhimaniat Aittuutit tuniqhaktauvaktut malruk ukiuk nalliraangat tuniyauvaktut ukununnga Nunavunmi Inirniinut ilitarihimablugit ikayuqtuutait Nunavunmiut kangiqhihimayut Inuit pitquhiinnik, ingilradjutainnik initurliminiitigullu ilihimattiaqtut. Qaffiuyulliqaak Inirnirit havakpaktut iliharvingni ilihaiblutik ukiuqqukittunut nutaqqanut talvalu uqaqatigivakhugit qauyimayatuqanginnik. Ikayuttiaqhimablutiglu havauhiriyaannut IHT-kut uqaqatigivakhugit qauyimayatuqanginnit nunat atiinit, initurliminiitigullu, unipkaaminirniglu talvalu qanurliqaak pittiaqpaktaunikhaatigut Inuinnait piqutainnin.

Ukuat Inuit Ingilraayuliqinirmut Tigumiaqatigiit atuqtauyukhatigut tuharvigiyumainnaqtaat nunaliit, Ingilraayuliqinirmut timiit ukuallu IHT-kut katimaviat havaktiillu ilitturinahuaqhugit kitulliqaak ilauyukhat katimanikkut Nunavutnmi(Kitikmeot, Kivalliq uvanilu Qikiqtani nunaanni aviktuqhimayuni).

Inirnirit Ilitaqhimaniatigut Aittuut - 2009:

Takuuriniaqtavut titiraqhimaniit inirnit ilaa pitquyauhimayut tikkuaqtauhimayulluunniit. Immaqaak kinaubli atia titiraqugungni, hivayainnariaqaqtuhi uvaptingnut talvalu uqarlugu huurlikiaq una tikkuaqtauyukhaq ihumagiyarnit. Tuniuqhavaktavut aittuutikhat kinguvaani ukiakhap, Quviahugvik tikitinnagu.

Inirnirit Ilitaqhimaniatigut Aittuut - 2007:

• Peter Paneak
• Rachael Ujarasuk
• Winnie Owingayak
• Marianno Aupilardjuk
• Mary Ittunga
• Philomena Totalik

Inirnirit Ilitaqhimaniatigut Aittuut - 2005:

• Joseph and Martha Qilluniq - Taloyoak (Kitikmeot Region)
• Abraham Tagornak - Naujaat/Repulse Bay (Kivalliq Region)
• Ashevak Palituq - Clyde River (Qikiqtani Region)
• Jacob Peterloosie - Pond Inlet (Qikiqtani Region)
• Joanassie Qappik - Pangnirtung (Qikiqtani Region)
• Sandy Akavak - Kimmirut (Qikiqtani Region)
• Inookie Atami - Iqaluit (Qikiqtani Region)
• Lucassie Nowdluk - Iqaluit (Qikiqtani Region)

Ilitturiyumagungni huurlikiaq tikkuaqtauhimayut, taiguanginnarialik Qablunaatitut tuhaqtittidjutait uvvaluunniit Inuktituuqhimayut tuhaqtittidjutainni.

Inirnirit Ilitaqhimaniatigut Aittuut - 2003:

• Frank Analok - Iqaluktuuttiaq (Kitikmeot Nunaanni)
• Seporah Malliki - Naujaat/Repulse (Kivalliq Nunaanni)
• Mina Inuktaluk - Sanikiluaq (Qikiqtani Nunaanni)

Inirnirit Ilitaqhimaniatigut Aittuut - 2001:

• Jose Angutingnungniq - Kugaaruk (Kitikmeot Nunaanni)
• Elisapee Tunnuq - Qamanittuaq (Kivalliq Nunaanni)
• Enusilq Nashalik - Pangniqtuuq (Qikiqtani Nunaanni)

Inirnirit Ilitaqhimaniatigut Aittuut - 1999:

• Frank Analok - Iqaluktuuttiaq (Kitikmeot Nunaanni)
• Barnabas Peryouar - Qamanittuaq (Kivalliq Nunaanni)
• Cornelius Nutarak Sr. - Mittimatalik (Qikiqtani Nunaanni)