Unauyut Inuit Ingilraayuliqinirmut Tigumiaqatigiit  

Tikittumayaat

Ukuat Inuit Ingilraayuliqinirmut Tigumiaqatigiit (IHT) takuyumayaat tammaqtailinirmut, pivaallirnirmullu hapumminirmullu ukunatigut Inuit ingilraani naunaipkutaanni hapkunani Nunavunmi utuqqait initurliviniat, pitquhiminiitigut ilitquhiat ukuallu nunat attiqtuqtauhimanilraangit.

IHT-kut aturumayait ukuninngaaqhimayut Nunavut Nunaqaqqaaqhimayut Angirutainnin (NLCA), Naunaipkutaanni 33 uvanilu 34. Kiinauyaqtuutikhaqpaktut IHT-kut ukunanngat Nunavut Tunngavik-kunnin (NTI), angayuqqaariyalluangat nunataarnikhakkut timingannit havauhirilluaqhugit pivaallirnikhakkullu hapumminirnikhakkullu Inuinnait ihumagilluaqtaat Nunavunmi ilihimattiaqhimablugit aturutikhaat uvani titiraqhimayut Nunavut Maligaliurnikhakkut Angirutaanni malittiaqtaunikhaatigut. IHT-kut makipkaqtauhimayut ukunatigut Tigumiaqatigiit Angirutaanni 1994-mi talvalu ilitariyauliqtut September 1995-mi ukunatigut Kanataryuami Kuaparisat Maligaryuanganni.

Kamagiyait

Havauhiat IHT-kut hapkuanguyut:

  • kamagiyaqallualirlutik ikayuqtuiniq, ayauqtiuniq, uvvalu tammaqtailiniq, munaqhiniq, nuitittiffaarnirlu takupkaivangnirlu utuqqait initurliminiit piqutaillu
  • pivaallirahuarlutiglu Nunavunmi Ingilraayuliqinirmut Pinahuarnikhaannik ikayuqtuidjutikhaat pivallianikhatigut Nunavunmi Ingilraayuliqinirmut havauhianni
  • pivaallirahuarlutik Ingilraayuliqinirmut ayuiqhainiq parnaiyautikhainni ingilrutikhatigut havauhikhaanni Ingilraayuliqinirmut havaariyauyuni
  • ilauqataulutik katimayutigut katimaqatigivaglunigit Kavamatkut Nunavut (GN), NTI ukuallu IHT tikitpallianahuarlugit makipkainikhaatigut Nunavunmi Ingilraayuliqinirmut Havagvikhaanni. Una havagvikhaq igluginiaqtaat utiqtitauhimayut Nunavunmiuttat ingilrutiminiit ilaa hiamayakhimayut utuqqaqarvingmiittut nunaryuani ahini
  • ilauqataulutik pivallianikhakkut kavamat maligainni ukuallu maligaliuqtaudjutait haffumatigut initurliminiit, nunat attiqtuiniit, ukuallu tutquqhimavaktut Nunavunmi
  • ilagiiglutik nanminiqarniq, GN-kut, tamaita utuqqaminiit nalvaaqtauhimayut Nunavunmi Angirutainni
  • takuurivaglutik tukhiqtuutinit angiqtauyumayutigut initurliviniqhiurnikkut, ukunatigullu takuuriyaqtuivangniq initurliviningnit, uvvalu ihivriuqhivangniq initurlivinirnit uvvalu/uvvaluunniit ahivaqtuivangniq initurliviniittunik hunanigliqaak.
  • nipiliuqpaglugit initurliminiit nunat atiinit naunaittumik Nunavunmi ilaa hapkuat takukhauyukhat nunauyani tahamani nunani nanilikiaq ittaakhaita

 

 

 

 

IHT-kut makipkaqtauhimayut ukunatigut Tigumiaqatigiit Angirutaanni 1994-mi talvalu ilitariyauliqtut September 1995-mi.