Ayuiqhainikhakkut pivikhaqaqtukhat Inuit initurliurumanikkut havaaqarumagumik. Ukuat IHT-kut ayauqtuinginnaqtut kitunnguliqaak ilaa ilihaqpangnikhakkut initurliurumanikkut ilaa inuit haffuminnga havaaqaqpallianiarumik. Tadja ilaa ayuiqhainikhakkut pivikhaqaqpallaanngittut Inuinnait ilihaqtuutainnut iliharnikhakkut initurliurumanikkut. Una Ilihaqtunut Ikayurniq Havauhiat pitquinginnaqtut kitunulliqaak Inuinnanut initurliuqhimanikkut havaaqarnikhaannik.

Una Ilihaqtunut Ikayurniq Havauhiat akiliqhinikkut ikayuqtuiyungnaqtut immaqaak hitamanut ilihaqtukhanut. Initurliurnikkut havaktiit akiliqhiniaqtut ilihaqtut niqautikhainut maniqqamiulutik, ayuiqhainikhakkut, uvvalu ihivriuqhidjutait ilihaqtut ilihaqpaallirutainnut. Uvvaluttauq ahiitigut iliharnikkut pitquyauhimaniannik pitquhimayaat ilihaqtup iliharvianin (immaqaak pivaallirniarumik Angayukhiit Iliharutainin), ilihaqtut tunihitquyauhimayut naittumik unipkaanginnik qanurli ilihimaliqtamingnit tunilugit unipkaangit uvunga Inuit Ingilraayuliqinirmut Tigumiaqatigiingnut.