IHT-kut ilihimattiaqtaat iliharniriitigut ukuninngalu uuktuqhimablugit ilihimaniit pitquiblugit inuuhuktut havaakhaqhiuqublugit ingilraayuliqinirmut. Ilaa initurliuqhimaniqiniq ihumagilluaqhugu, ilitturiyaqqut hamna auyaq tamaat ilihainikhakkut akhut iliharnikkut havaariyauyuq.

Atuliqtillugu 2002, IHT-kut tutqikhaivakhutiglu ilihaivakhutiglu Inuinnait inuuhuktuutainnut. Uvani kingullirmi ukiumi takunnaqtuq nutaanik aturumayainnik IHT-kut ukuallu Kavamatkut Nunavut, Havagviat Pitquhiliriyitkut, Uqauhiliriyitkut, Inirnirillu Inuuhuktullu ilagiikhutik ilihaiyut 2006-mi iliharniannik.
 

2009 – Qimilruuqhiniq Ukiunga

IHT ukuallu GN-CLEY nutqallangniaqtut auyami ilaa qimilruuttiarumagamik haffuminnga havaariyauyumit naunairumablugit tikittumayavut tikitaakhaita talvalu kitumigliqaak nakuatut initurliuqhinikkut ayuiqhautiqarniarumik Nunavunmi.
 

2006, 2007, 2008 - Sanirayak, Watamaniuk initurliat

IHT ukuallu Kavamatkut Nunavunmi (Havagviat Pitquhiliriyitkut, Uqauhiliriyitkut, Inirnirillu Inuuhuktullu) ilagiikhutik ilihaiyut. Talvani, atauhirmik nunalingmi ihumabluta ilihaiyumanikhakkut ilaa atuni ilihaqtut havaaqaqhutik initurliqhiurnikkut ikayuqtiublutik. Ikayuqhitillutik Julie Ross-mit, ukuat Nunalingni Aviktuqhimayuni Initurliuqhiyuq kiunahuaqpaktut apiqhuutinik haffumani Sanirayaup Tiniit Thule initurlianni, talvanilu ilaa ilihaqpalliablutik amigaittunit ayuiqhaqtamingnit. Siksinit ublunit atuni pinahuarungmi, ilihaqtut initurliminunngaqtauvaktut pihuktitaublutik ungahinngittumut uvunga initurliminirmut havaviptingnut qinupkainahuanngibluta TUU Lai-tigut halummaqhinianni. Ubluummaanmi paulriqhuqpaktut kitunigliqaak angiyunit initurlinit, alruyaqtuqtukkut ihivriuqhivakhutik, nunanik ukuninngalu initurliminiit pitquhiannik nunauyaliuqhutik alruyaqtuqtukkuuqtunin, nalaumayumiglu piksaliuqpakhutik, utuqqait ingilrutiniglu hapkuninngalu ikayuutikhanit pitquhittiarningannik maniqqamiunirmut (halummaqhiniq quiyaqturvingnit, imiqtaqpakhutiglu, iganirmullu ikayuqpakhutik, halummaqhinirmullu, hunanigluliqaak…). Talvaluttauq, ubluq unnugaangat itqaumaliqpaktut havaariyamingnit talvani ublungani titiraqpakhunigit makpiraangutiptingni. Hilaqqiumattiaqtuq aippaanganimit hilalukpallaanngittuqaqtuq nayuqtaptingni initurlimiiqattanngitpugut. Ilihaqpaalliqpakhutik initurliminiqhiurnikkut, halummaqhivakhutik ingilrutiminirnit, ilihaqpakhutik anngutikhatigut initurliqhiurnikkut, kituungmangaata initurliqhiurnikkut ukunatigullu Ukiuqtaqtumi initurliqhiurnirvalluq. Kamagiyaqaqhutiglu takupkainikhakkut havaariyamingnit iniqhigaangamik ilaa takupkaqtakhamingnut Sanirayangmiuttanut. Havaariyamingni talvani kivgaqtiuvaktuinahugiyauvaktut nunamingnit talvalu ihumagilluaqhugit inuutait Sanirayangmi.
 

2005 - Mittimatalik, Qilalukan initurlia

Uvani maniqqamiublutik ilihaqhutik, atuni ilihaqtut havaannguaqaqtut initurliminiuqhinikkut ikayuqtiublutik. Ikayuqtiublutik atanilluangannut uvungalu initurliqhiurnikkut ikayuqtianut kiunahuarnikhakkut apiqqutauvaktunik haffumap Qilalukan initurlianin talvalu pihukhutik initurlimut havagviptingnut ilaa tahamna apqutauyuq marluinnaungmat akhaluutikkuuriami. Ubluummaat pualriqhuqpaktut uvani angiyumi initurliminirmi, alruyaqtuqtukkut ihivriuqhivakhutik, nunanik ukuninngalu initurliminiit pitquhiannik nunauyaliuqhutik alruyaqtuqtukkuuqtunin, nalaumayumiglu piksaliuqpakhutik, utuqqait ingilrutiniglu hapkuninngalu ikayuutikhanit pitquhittiarningannik maniqqamiunirmut (halummaqhiniq quiyaqturvingnit, imiqtaqpakhutiglu, iganirmullu ikayuqpakhutik, halummaqhinirmullu, hunanigluliqaak…). Talvaluttauq, ubluq unnugaangat itqaumaliqpaktut havaariyamingnit talvani ublungani titiraqpakhunigit makpiraangutiptingni. Hilaqqiumattiaqtuq aippaanganimit hilalukpallaanngittuqaqtuq nayuqtaptingni initurlimiiqattanngitpugut. Ilihaqpaalliqpakhutik initurliminiqhiurnikkut, halummaqhivakhutik ingilrutiminirnit, ilihaqpakhutik anngutikhatigut initurliqhiurnikkut, kituungmangaata initurliqhiurnikkut ukunatigullu Ukiuqtaqtumi initurliqhiurnirvalluq. Kamagiyaqaqhutiglu takupkainikhakkut havaariyamingnit iniqhigaangamik ilaa takupkaqtakhamingnut Mittimatalingmiuttanut. Havaariyamingni talvani kivgaqtiuvaktuinahugiyauvaktut nunamingnit talvalu ihumagilluaqhugit inuutait Mittimatalingmi.
 

2004 - Naujaat, Naujaat Initurlia

Uvani 2004-mi, IHT-kut ilagiiqatigihimayaa Dr. Sue Rowley ukuallu Iliharvigyuangat British Columbia ilitpaallirahuaqhugu Naujaani initurliviniat. Ilangannik pualriqhuqtarihimayaraluanga Matthiason-mit uvani Tallimaanni Thule Aullaaqhimanianni atulihaaqtillugu 1920-nguyuni. Ilihaqtut ilihaqpaktut initurliqhiurnikkut ilaa havaakhautigiyungnaqtakhaannik initurliqhiurnikkut ikayuqtiuyukhatigut initurliqhiuqtinut. Ilaa amigaittunik ukiunit ilihaqpaallirnirmut ilitariyaunikhaatigut initurliqhiurnikhatigut, takuqattarnikkullu pivikhaqattarnirmullu initurliqhiurnikkut havaakhat ilaa ilitariyauvallianiaqtut nunamingni haffuminnga ilihimattialirningannik ingilraaminirnitigullu ilitariyauhimalirlutik. Ilihaqpakkamik initurliqhiurnikkut havaariblugit, qanurlu havauhikhaatigullu pinahuarningannik, ilaa qayangnarniqaqhutik piyukhat, una havauhikhaa qanurli qimilruuqhiqattauhikhaannik uvvalu ihumagittiarnikhaat pitquhiminirmingnit ilaa initurliqhiurnikkut apiqhuqattarlutik/pualriqhuqattarlutik nakuatut pinahuarlutik.

2003 - Kugluktuk, Napaaqtuup Kuugaa Ilanganni

Auyami 2003-mi, qaffiuyuliqaak ilihaqtut angayuqqaangillu ilauqatauyut maniqqamiublutik qauyihaqtut uvani Napaaqtuup Kuungani, ungahinngittuq Kugluktumit. Amigaittut Kugluktumiuttat Inirnirit nunagihimavagait inuuhuktuublutik talvalu ilihimayaubluni amigaittunik initurliviniqaqtut. Unavallurmik qauyihainiiriyaat ilitturinahuaqhugit titirarlugillu hapkuat initurliminiit ilaa hapummiyauyukhatigut piyumayaublutik.
 

2002 - Kugluktuk, Paalamiuttat Angaadjuvia

Initurliminiqhiuqtut Ilihaqtut ilihautigiyaqaqtut Kugluktumi uvani August 2002-mi. Uvani 2002-mi, iinguyut Nunavunmi ilihaqtut katimaqatigiyaa initurliuqhiyi Ken Swayze pualriqhuqhutik. Tukhiqtuutikhat ilihaqtunut ilauyumagumik ilaa qaihimayut tamainnin Nunavunmi ilauqataublutik ilihaqtut hamanngaaqtut pingahut nunat aviktuqhimayut Nunavunmit (Kitikmeot, Kivalliq uvvalu Qikiqtani). Ukuat ilihaqtut ilittuqhapkaqtauhimayut initurliqhiurnikkut initurlivinirmi Kugluktumi hanigiyaani Paalamiuttat Angaadjuvianin. Ingilrutivaluit unalu kannuyauyaq havik atahimayuq qiyuinnarmut uvvalu umingmaup nagyuanik qalurautauyumik nalvaaqhihimayut talvani initurlirnirmi.