Atuqtauyumayuugaluaq iliharutauluni Nunavut iliharviinni, una iniiriiqhimayuq naalaktauyukhaq CD tuhaayuminaqtuq ilittuqhaipkainikkut ukiuqtaqtunik, talvalu ukununnga inungnut ilaa hamani nayuliqtamingniiliqtut qangaraaluk amihuni ukiuni hamaniiliqtunut.

Una Qaritauyakkuuqtuq CD-ROM hivullirmik uqauhiqaqtuq uqautigiblugu ukiuqtaqtup avatiriyainin. Qangali nuutpallianingatigut kingulliutigiyaa haffumani, ihumapkaqhugit ilihaqtut qangaraaluk qatannguqatigiit ayuqhautiqaqpakhutik inuuvaktut hila aallannguqpallialiraangat talvali ihumaliuqhutik namulliqaak aullaaqpallianiaraluaqqata niqikhaqhiurlutik. Una tuglia naalangnaqtup uqauhiqaqtuq ukiuqtaqtumi inuutainnit, ingilrutainnit, igluqarningannik, uvvalu qanurli aullaaqpauhiannik.

Una pingahuat naalangnaqtup uqauhiqaqtuq qanurli initurliuqhimayutigut ukuninngalu atuqtauvaktunik avataqutaitigut qanurli takuurivangniannik initurliminiit uvani Nunavunmi ublumi. Una kingulliqpaaq naalaktittihimayuq haffuminnga amigaittutigut initurliuqhimaniit uvani Quttiniqpaami Ukiuqtaqtumi. Una uqauhiqaqturlu atauttikkuuqhimaniq, hapkuat ilihaqtut ilitturinahuaqhugit ingilrutait talvalu ihumaliurahuaqhutik ukuninnga Tuniit ukuallu Thule ilaa hamaniihimayutuqaugaluit taimaniraaluk.

Una Qaritauyakkuuqtuq CD-kut naalangnaqtuq ilaa ihumagiyaulluaqtuq tamainnut ilihaqtunut ukiuqtaqtumi.

Una Qaritauyakkuuqtuq CD-ROM katitiqtauhimayut qangaraaluk ukuninngat ukiuqtaqtumi initurliqhiuqtut, Inuit Inirnirit, Kavamatkuallu Nunavut Havagviat Ilihaqtuliriyit ukuallu Inuit Ingilraaniqhiuqtut Tigumiaqatigiit, una Nunavunmi Nunaqaqqaaqtunut timiuyuq. Ukuat Inuktituuqhimayut, Qablunaatituuqhimayut Uiviitituuqhimayullu iniriiqhimayut talvalu aquiqtuqtaunginnarialgit takuurilugu Niuvirvikput.