|
The Inuit Heritage Trust (IHT) ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑐᕌᖓᑎᑕᐅᔪᖅ ᐸᐸᑕᐅᓂᖏᓐᓄᑦ, ᐱᕚᓪᓕᕈᑎᒃᓴᖏᓐᓄᑦ ᐊᒻᒪᓗ ᓴᐳᔾᔭᐅᓯᒪᔾᔪᑎᑦᓴᖏᓐᓄᑦ ᐃᓄᐃᑦ ᐃᓕᖅᑯᓯᕆᖃᑦᑕᖅᓯᒪᔭᖏᓐᓂᒃ ᐊᒻᒪᓗ ᐃᓕᓴᒃᓇᐅᑎᒋᔭᖏᓐᓂᒃ ᓄᓇᕗᒻᒥ ᐃᑦᑕᕐᓂᓴᓕᕆᕕᐅᕙᑦᑐᓂ, ᖃᐅᔨᔾᔪᑕᐅᕙᑦᑐᑦ ᐃᓄᖏᓐᓂᒃ ᓇᒥᒥᐅᑕᐅᓂᕐᒪᖔᑕ ᐊᒻᒪᓗ ᓄᓇᒥᓂ ᐊᑎᑐᖃᖏᓐᓂᒃ ᓄᓇᐃᑦ. ᓇᐅᑦᓯᖅᑐᖅᑏᑦ ᐱᓕᕆᐊᕆᕙᑦᑕᖏᑦ ᑐᙵᕕᖃᑦᑐᑦ ᐅᑉᐱᕐᓇᕈᑎᒃᓴᕆᓪᓗᓂᒋᑦ ᐱᖅᑯᓯᑐᖃᕐᒥᑎᒍᑦ ᖃᐅᔨᒪᓂᕆᔭᖏᓐᓂᒃ ᐊᒻᒪᓗ ᓯᓚᑐᓂᕆᔭᖏᓐᓂᒃ ᐃᓇᒻᒪᕆᖁᑎᑦᑕ. ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐱᓂᐊᕐᓂᕋᐅᑎᖏᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓃᓐᖔᖅᑐᑦ, ᐊᖏᓂᖅᐹᖑᔪᓂᒃ ᓄᓇᖃᖅᑳᖅᓯᒪᔪᑦ ᓄᓇᑖᕐᓂᕐᒧᑦ ᐊᖏᕈᑕᐅᓯᒪᔪᓕᒫᓂᒃ ᑲᓇᑕᒥ ᐊᑐᖅᑕᐅᖃᑦᑕᖅᓯᒪᔪᓂᒃ, ᐊᑎᓕᐅᖅᑕᐅᓚᐅᖅᑐᖅ 1993-ᒥ. ᓄᓇᕗᒻᒥ, ᓇᐅᑦᓯᑐᖅᑏᑦ ᑭᒡᒐᖅᑐᐃᖃᑦᑕᖅᑐᑦ ᐃᓄᐃᑦ ᐱᔪᒪᔭᖏᓐᓂᒃ ᑲᒪᒋᔭᐅᔪᓂᒃ ᐱᖅᑯᓯᕆᖃᑦᑕᖅᓯᒪᔭᖏᓐᓅᖓᔪᓂᒃ, ᐃᑦᑕᕐᓂᓴᓕᕆᓂᕐᒧᑦ, ᐃᓄᖏᓐᓂᒃ ᓇᒥᒥᐅᑕᐅᓐᓂᕐᒪᖔᑕ, ᓄᓇᓂᒃ ᐊᑦᓯᖅᑐᐃᓯᒪᓂᖏᑦ ᐊᒻᒪᓗ ᓄᓇᓂᒃ ᐅᑉᐱᕆᔭᐅᔪᓂᒃ. |
ᑕᑯᒋᐊᒃᑭᑦ ᐱᓕᕆᐊᓕᒫᕆᔭᕗᑦ ᐃᑦᑕᕐᓂᓴᓕᕆᓂᖅ ᐃᓕᓐᓂᐊᕐᓂᖅ ᓄᓇᕗᓕᒫᒥ ᐱᓕᕆᐊᖑᔪᖅ/ ᐱᐅᓯᑐᖃᖅ |
 |
ᐊᐱᖅᑯᓯᒃᓴᖃᕈᕕᑦ ᐅᖃᐅᓯᒃᓴᖃᕈᕕᓪᓘᓐᓃᑦ ᐱᓕᕆᐊᕆᔭᑦᑕ ᒥᑦᓵᓄᑦ ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᑎᒍᑦ ᐅᕗᖓ
|
ᐅᑉᕙᓘᓐᓃᑦ ᐃᖅᑲᓇᐃᔭᖅᑎᖓᑕ ᓇᓕᐊᓐᓄᑐᐃᓐᓇᖅ ᖃᐅᔨᒋᐊᕐᕕᓴᐅᒻᒥᔪᖅ ᐅᕙᓃᑦᑐᑦ ᑐᕌᕈᑎᖏᑦ