Inuit Heritage Trust : Staff

ᐃᖅᑲᓇᐃᔭᖅᑎᕗᑦ ᐃᖃᓗᓐᓂ ᐊᓪᓚᕝᕕᑦᑎᓐᓂ
ᐅᐃᓕᐊᒻ ᐱᕗᕆᔾ, ᐊᐅᓚᑦᓯᔨᒻᒪᕆᒃ ᐅᐃᓕᐊᒻ ᑎᑎᕋᕐᕕᖕᒨᖓᔪᓂᒃ ᐃᖅᑲᓇᐃᔮᓕᒃ ᐊᐅᓚᑦᓯᓂᕐᒥᒃ, ᐃᖅᑲᓇᐃᔭᖅᑎᓕᕆᓂᕐᒥᒃ, ᐊᕐᕌᒍᑕᒫᖅ ᑮᓇᐅᔭᑦ ᐊᑐᖅᑐᒃᓴᓂᒃ, ᐃᖅᑲᓇᐃᔭᖃᑎᖃᖃᑦᑕᖅᓱᓂ ᑲᑎᒪᔨᖏᓐᓂᒃ ᐸᐸᑦᑎᔩᑦ ᑐᓴᐅᒪᑎᑕᐅᑦᓯᐊᖁᓪᓗᒋᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐱᓕᕆᐊᕆᖃᑦᑕᖅᑕᖏᓐᓂᒃ ᐊᒻᒪᓗ ᑖᒃᑯᓄᓐᖓᖓᔪᓕᒫᓂ ᐊᑐᐊᒐᕐᓂᒃ ᐊᒻᒪᓗ ᐱᓕᕆᐊᖑᔪᑦ ᐊᐅᓚᑕᐅᓂᖏᓐᓂᒃ. ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᔪᓐᓇᖅᑕᑦ ᐅᕗᖓ:
ᕌᕝ ᖃᐅᓐᓇᖅ, ᐱᖁᑎᑐᖃᓕᕆᓂᕐᒥᒃ ᐊᐅᓚᑦᓯᔨ ᕌᕝ ᑲᒪᒋᔭᖃᖅᑐᖅ ᐊᐅᓚᑕᐅᔪᓂᒃ ᐊᒻᒪᓗ ᐊᐅᓚᑦᓯᓂᕐᒥᒃ ᐊᓪᓚᕝᕕᖕᒥ ᐃᑦᑕᕐᓂᓴᓕᕆᓂᕐᒧᑦ ᖃᐅᔨᓴᕈᒪᔪᓄᑦ ᐱᔪᓐᓇᐅᑎᑖᕈᒪᔪᓂᒃ, ᑲᒪᒋᔭᖏᑕ ᐃᓚᒋᓪᓗᓂᒋᑦ ᐱᓕᕆᐊᖏᑦ ᓇᐅᑦᓯᑐᖅᑎᒃᑯᑦ ᑲᑎᒪᔨᖏᑦ, ᐱᓕᕆᕕᒋᔭᐅᔪᓄᑦ ᐊᑦᑐᐊᔪᑦ ᓄᓇᓖᑦ, ᓄᓇᕗᑦ ᒐᕙᒪᖓ ᐊᒻᒪᓗ ᐃᑦᑕᕐᓂᓴᓕᕆᔨᐅᔪᓂᒃ ᖃᐅᔨᓴᖅᑎᓂᒃ. ᐊᓯᖏᓐᓂᒃ ᐱᓕᕆᐊᖑᔪᓂᒃ ᑲᒪᒋᔭᖃᖅᑐᖅ ᐃᓐᓇᐃᑦ ᐃᓕᓴᕆᔭᐅᔾᔪᑎᖏᓐᓂᒃ, ᐃᑦᑕᕐᓂᓴᓕᕆᓂᕐᒧᑦ ᐃᓕᓐᓂᐊᑎᑦᓯᒋᐊᒃᑲᓐᓂᕈᑎᒃᓴᓄᑦ ᐱᓕᕆᐊᖅ ᐊᒻᒪᓗ ᓇᖕᒥᓂᖁᑎᒋᔭᐅᔪᓂᒃ ᓇᓗᓇᐃᒃᑯᓰᖃᑦᑕᓂᕐᒥᒃ ᐱᖁᑎᖃᓂᕐᒧᑦ ᐱᔪᓐᓇᐅᑎᓄᑦ ᐱᓕᕆᐊᒥᒃ. ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᔪᓐᓇᖅᑕᑦ ᐅᕗᖓ:
ᑐᐊᒡᑎᓐ ᑏᔪ, ᐱᓕᕆᐊᒃᓴᓕᕆᔨ ᑐᐊᔅᑎᓐ ᐃᖅᑲᓇᐃᔮᓕᒃ ᓇᐅᑦᓯᑐᖅᑎᓄᑦ ᐊᐅᓚᑦᓯᒍᑎᓂᒃ ᐊᒻᒪᓗ ᓄᓇᕗᒻᒥ ᐱᓕᕆᐊᓂᒃ ᓲᕐᓗ ᐃᑦᑕᕐᓂᓴᓕᕆᓂᕐᒧᑦ ᐱᓕᖕᒪᒃᓴᐅᑎᓂᒃ ᐃᓕᓐᓂᐊᕈᑎᓂᓪᓗ. ᑖᒃᑯᐊ ᐱᓕᕆᐊᖑᔪᑦ ᐃᓚᖃᖅᑐᑎᒃ ᓄᓇᕗᒻᒥ ᐱᖁᑎᑐᖃᓕᕆᓂᕐᒧᑦ ᑲᓲᒪᔾᔪᑎ, ᐱᖁᑎᑐᖃᓕᕆᓂᕐᒧᑦ ᐃᓕᓐᓂᐊᕈᑎᓄᑦ ᐱᓕᖕᒪᒃᓴᐅᑏᑦ, ᐱᖁᑎᑐᖃᓕᕆᓂᕐᒧᑦ ᓯᕗᓕᖅᑎᐅᓂᖅ, ᔭᒐᔾᔭᐃᕐᓯᔨᓕᕆᓂᖅ ᐊᒻᒪᓗ ᓇᖕᒥᓂᖁᑎᒋᔭᐅᔪᓂᒃ ᓇᓗᓇᐃᒃᑯᓰᖃᑦᑕᓂᕐᒥᒃ ᐱᖁᑎᖃᕐᓂᕐᒧᑦ ᐱᔪᓐᓇᐅᑎᓕᕆᓂᕐᒥᒃ. ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᔪᓐᓇᖅᑕᑦ ᐅᕗᖓ:
ᓕᓐ ᐱᑉᓕᓐᔅᑭ, ᐱᖅᑯᓯᒃᑯᑦ ᓄᓇᓂᒃ ᐊᑦᓯᖅᑐᐃᓂᕐᒧᑦ ᐊᐅᓚᑦᓯᔨ ᓕᓐ ᐱᓕᕆᐊᓪᓗᐊᑕᕆᔭᖓ ᓄᓇᓂᒃ ᐊᑦᓯᖅᑐᐃᓂᕐᒧᑦ ᐱᓕᕆᐊᒃᓴᖅ, ᐱᓇᓱᐊᖃᓯᐅᑎᓪᓗᒋᑦ ᓂᐱᓕᐅᕆᓂᖅ ᐃᓐᓇᕐᓂᖅ ᓄᓇ ᑕᐃᒎᓯᖏᓐᓂᒃ ᖃᐅᔨᒪᓂᖏᓐᓂᒃ ᐊᒻᒪᓗ ᑖᒃᑯᓇᓐᖔᖅᑐᓂᒃ ᐃᓕᐅᖅᑲᐃᓂᖅ ᓄᓇᓐᖑᐊᓄᑦ ᑐᓴᐅᒪᔾᔪᑎᒃᓴᐅᖁᓪᓗᒋᑦ ᓄᓇᓕᖕᓄᑦ. ᐃᖅᑲᓇᐃᔮᖃᕐᒥᔪᖅ ᐊᐅᓚᑦᓯᓂᕐᒥᒃ ᑕᐃᒎᓰᑦ ᐊᑎᖏᑦ ᐃᓕᓴᕆᔭᐅᓯᒪᒍᑎᒃᓴᖏᓐᓂᒃ, ᓄᓇᕗᑦ ᒐᕙᒪᖓᓂᒃ, ᐊᑏᑦ ᐊᑐᖅᑕᐅᖏᓐᓇᕈᓐᓇᖁᓪᓗᒋᑦ ᑕᐃᑯᖓᑐᖄᓗᒃ ᓯᕗᓂᑦᑎᓐᓂ. ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᔪᓐᓇᖅᑕᑦ ᐅᕗᖓ:
ᓯᐴᕌ ᐅᖓᓚᖅ, ᓄᓇᐅᑉ ᐊᑎᑐᖃᖏᓐᓂᒃ ᐋᖅᑭᐅᒪᑎᑦᑎᔨ ᓄᓇᐅᑉ ᐊᑎᑐᖃᖏᓐᓂᒃ ᐋᖅᑭᐅᒪᑎᑦᑎᔨ ᐱᓇᓱᐊᖃᑎᖃᓲᖑᕗᖅ ᐃᓐᓇᑐᖃᓂᒃ ᐊᐅᓚᑦᑎᔨᒥᒡᓗ, ᓄᓇᐅᑉ ᐊᑎᑐᖃᖏᓐᓂᒃ ᐊᐅᓚᑦᑎᔨ ᐅᔾᔨᖅᓱᓲᖑᕗᖅ ᑕᒪᒃᑯᐊ ᓄᓇᓖᑦ ᐅᖃᐅᓯᖏᑎᑐᑦ ᐃᓄᒃᑐᑦ ᑕᐃᒎᓰᑦ ᑎᑎᕋᐅᓰᓪᓗ ᑕᒻᒫᔭᖅᓯᒪᙱᑦᑎᐊᕋᓗᐊᕐᒪᖔᑕ, ᓄᓇᙳᐊᒨᖅᑕᐅᔪᑦ ᐃᓂᖏᓐᓃᑎᐊᕋᓗᐊᕐᒪᖔᑕ ᐊᒻᒪ ᑕᐃᒎᓰᑦ ᓇᓚᐅᓯᒪᑦᑎᐊᕋᓗᐊᕐᒪᖔᑕ ᓄᓇᓕᐊᑕ ᐅᖃᐅᓯᐊᑐᑦ. ᐋᖅᑭᐅᒪᑎᑦᑎᔨ ᐅᔾᔨᖅᓱᓲᖑᔪᖅ ᑖᒃᑯᐊ ᐃᓄᒃᑐᑦ ᑐᑭᖃᑦᑎᐊᕋᓗᐊᕐᒪᖔᑕ ᓇᓚᐅᓯᒪᑦᑎᐊᕋᓗᐊᕐᒪᖔᑕ ᖃᐅᔨᓴᑦᑎᐊᖅᖢᓂᒋᑦ ᑕᑯᓇᑦᑎᐊᖅᐸᒃᐸᐃᑦ ᐊᖏᖅᑕᐅᓚᐅᖅᑳᖅᑎᓐᓇᒋᑦ ᑲᑎᒪᔨᖏᓐᓄᑦ. ᖃᕆᑕᐅᔭᒃᑯᑦ ᑎᑎᕋᕐᕕᒋᔪᓐᓇᖅᐸᑦ: ᐅᖃᓘᑖ: 1-867-979-0731 ext. 8
ᓴᓐᕚ ᒧᐊᑕᓐᓴᓐ, ᑮᓇᐅᔭᓕᕆᔨ ᓴᓐᕚ ᐱᓕᕆᐊᓕᒃ ᐸᕐᓇᖃᑦᑕᓂᕐᒥᒃ ᑮᓇᐅᔭᖅᑑᑎᒃᓴᓂᒃ ᐊᒻᒪᓗ ᑮᓇᐅᔭᓕᕆᔾᔪᑎᒥᓂᕐᓂᒃ, ᐋᖅᑭᐅᒪᑦᓯᓂᖅ ᑮᓇᐅᔭᑦ ᐊᐅᓚᓂᖏᓐᓂᒃ, ᐊᑭᓕᖅᓱᖅᑕᐅᒍᑎᓂᒃ ᑮᓇᐅᔾᔭᒃᓴᐅᑎᖏᓐᓂᒃ ᐊᐅᓚᑦᓯᔩᑦ, ᓂᐅᕕᖃᑦᑕᓂᕐᒥᒃ, ᐋᖅᑭᐅᒪᑦᓯᓂᕐᒥᒃ ᑮᓇᐅᔭᖁᑎᒋᔭᐅᔪᓂᒃ ᐊᑭᓕᖅᓱᐃᓂᕐᒥᒃ ᐊᒻᒪᓗ ᓂᕆᐅᒋᔭᐅᔪᓂᒃ, ᐊᒻᒪᓗ ᐊᐅᓚᑦᓯᓂᕐᒥᒃ ᐊᒻᒪᓗ ᐅᓂᒃᑳᓕᐅᖃᑦᑕᓂᕐᒥᓪᓗ ᐊᖓᔪᖅᑲᐅᑎᓄᑦ ᐃᖅᑲᓇᐃᔭᖅᑎᓄᑦ ᐊᒻᒪᓗ ᑲᑎᒪᔨᓄᑦ ᑮᓇᐅᔭᓕᕆᓂᕐᒨᖓᔪᓂᒃ. ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᔪᓐᓇᖅᑕᑦ ᐅᕗᖓ:
ᑎᒻ ᕗᐃᒃᔅ, ᓄᓇᓐᖑᐊᓕᕆᔨ ᑎᒻ ᐃᖅᑲᓇᐃᔮᓕᒃ ᑲᑎᖅᓱᖅᑕᐅᓯᒪᔪᓂᒃ ᓄᓇᓐᖑᐊᓅᖅᑲᐃᓂᕐᒥᒃ ᐱᖅᑯᓯᒃᑯᑦ ᓄᓇᐃᑦ ᐊᑎᖏᓐᓂᒃ ᐱᓕᕆᐊᖑᔪᒥᒃ. ᑐᓴᕆᐊᕐᓂᐅᖃᑦᑕᑐᒃᑯᑦ ᓄᓇᓕᖕᓂ ᐃᓐᓇᕐᓂᒃ ᓄᓇᐃᑦ ᐊᑎᖏᓐᓂᒃ ᑎᑎᕋᖃᑦᑕᖅᑐᖅ ᐊᒻᒪᓗ ᓄᓇᓐᖑᐊᓕᐅᖅᑐᓂ ᐊᑐᕐᓱᒋᑦ ᐃᓄᒃᑎᑑᖅᑐᑦ. ᑖᒃᑯᐊ ᑕᑯᒋᐊᒃᑭᑦ ᐊᒻᒪᓗ ᐊᓯᖏᑦ ᓄᓇᓐᖑᐊᑦ ᐅᕙᓂ ᓄᓇᐃᑦ ᐊᑎᖏᓐᓄᑦ ᐃᑭᐊᖅᑭᕕᒃ.
ᐆᓯᓚ ᐄᓴᓗᒃ, ᐊᓪᓚᕝᕕᖕᒥ ᐃᑲᔪᖅᑎ ᐆᓯᓚ ᐊᐅᓚᑦᓯᖃᑦᑕᖅᑐᖅ ᐊᓪᓚᕝᕕᖕᒨᖓᔪᓕᒫᓂᒃ ᐊᐅᓚᑦᓯᔨᓄᑦ ᑲᒪᒋᔭᐅᔪᓂᒃ ᐊᒻᒪᓗ ᐱᓇᓱᐊᖃᑎᖃᕆᐊᖃᖃᑦᑕᖅᑐᖅ ᑮᓇᐅᔭᓕᕆᔨᒥᒃ ᑮᓇᐅᔭᓕᕆᔾᔪᑎᓕᒫᖏᓐᓂᒃ ᓇᐅᑦᓯᑐᖅᑏᑦ. ᐃᕐᖐᓐᓈᕈᑎᒃᑯᑦ ᑎᑎᕋᕐᕕᒋᔪᓐᓇᖅᑕᑦ ᐅᕗᖓ:
ᓯᐴᕋ ᐅᖔᓛᖅ, ᐱᖅᑯᓯᕆᔭᐅᔪᒃᑯᑦ ᓄᓇᐃᑦ ᐊᑎᖏᓐᓂᒃ ᐋᖅᑭᐅᒪᑦᓯᔨ ᐱᖅᑯᓯᕆᔭᐅᔪᒃᑯᑦ ᓄᓇᐃᑦ ᐊᑎᖏᓐᓂᒃ ᐋᖅᑭᐅᒪᑦᓯᔨ ᐱᓇᓱᐊᖃᑎᖃᕆᐊᖃᓲᖅ ᐃᓐᓇᕐᓂᖅ ᐊᒻᒪᓗ ᐊᐅᓚᑦᓯᔨᒥᒃ, ᐱᖅᑯᓯᕆᔭᐅᔪᒃᑯᑦ ᓄᓇᐃᑦ ᐊᑎᖏᓐᓂᒃ ᐊᐅᓚᑦᓯᔨᒥᒃ ᐊᒻᒪᓗ ᖃᐅᔨᒪᒋᐊᕆᐊᖃᖃᑦᑕᖅᑐᖅ ᑕᒪᕐᒥᒃ ᐃᓄᒃᑎᑑᖅᑐᑦ ᐊᑏᑦ ᑕᒻᒪᕐᓯᒪᓐᖏᒃᑲᓗᐊᕐᒪᖔᑕ ᑎᑎᕋᕐᓯᒪᓂᖏᑦ, ᓄᓇᓐᖑᐊᓅᖅᑕᐅᓯᒪᓂᖏᑦ, ᐊᒻᒪᓗ ᐅᖃᖅᑕᐅᔾᔪᓯᖏᓐᓂᒃ ᒪᓕᑦᑐᒋᑦ ᐊᑐᓂᑦ ᓄᓇᓖᑦ ᐅᖃᐅᓯᖏᑦ. ᐋᖅᑭᐅᒪᑦᓯᔨ ᐃᖅᑲᓇᐃᔮᖓ ᖃᐅᔨᒪᒋᐊᖃᑦᑕᕐᓂᖅ ᐃᓄᒃᑎᑐᑦ ᑕᑯᓐᓇᒐᐅᓂᖓ ᓄᓇᐃᑦ ᐊᑎᖏᓐᓂᒃ ᑕᑯᒋᐊᖅᑕᐅᖅᑳᕐᓯᒪᖃᑦᑕᕆᐊᖃᕐᓂᖓᓄᑦ ᑲᑎᒪᔨᓄᑦ ᐊᖏᖅᑕᐅᖏᓐᓂᖏᓐᓂ.