ᒪᓕᒐᑦᓴᑦ |
|
|
ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐊᐅᓚᑕᐅᔪᑦ ᐊᒻᒪᓗ ᐱᓂᐊᕐᓂᕋᐅᑎᓂᒃ ᑎᓕᔭᐅᔾᔪᑎᓕᐅᖅᑕᐅᓯᒪᓪᓗᑎᒃ ᐊᔾᔨᒌᓐᖏᑦᑐᓂᒃ ᒪᓕᒐᒃᓴᓕᐊᖑᓯᒪᔪᓂᒃ. ᑎᑎᕋᖅᑕᐅᓪᓗᐊᑕᖅᓯᒪᔪᖅ ᐋᖅᑭᐅᒪᒍᑎᒋᔭᕗᑦ ᐱᓂᐊᕐᓂᕋᐅᑎᑦᑎᓐᓄᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ (ᐊᖏᕈᑏᑦ), ᐱᓗᐊᖅᑐᒥ ᐃᓛᒃᑰᖓᓂᖏᑦ 33, 34 ᐊᒻᒪᓗ ᐊᕕᑦᑐᖅᓯᒪᓂᖏᓐᓃᑦᑐᑦ 7. ᒪᓕᒐᒃᓴᓕᐊᖑᓯᒪᒻᒥᔪᖅ ᓄᓇᕗᑦ ᒐᕙᒪᖓᓂᒃ ᓲᕐᓗ ᓄᓇᕗᒻᒥ ᐃᑦᑕᕐᓂᓴᓕᕆᓂᕐᒧᑦ ᐊᒻᒪᓗ ᓴᐅᓂᒥᓂᑐᖃᓕᕆᓂᒃᑯᑦ ᐃᓕᖅᑯᓯᑐᖃᕆᔭᐅᓯᒪᔪᓂᒃ ᖃᕆᓴᐅᔭᒨᖅᑲᐃᓂᖅ ᐊᐅᓚᑦᓯᒍᑕᐅᕙᑦᑐᖅ ᖃᓄᖅ ᐃᓄᐃᑦ ᐃᑦᑕᕐᓂᓴᓕᕆᓂᕐᒨᖓᔪᓂᒃ ᑲᒪᒍᓐᓇᕐᒪᖔᑕ. ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑏᑦ ᐃᓛᒃᑰᖓᓂᖏᑦ ᓄᓇᕗᒻᒥ ᓄᓇᑖᕐᓂᕐᒧᑦ ᐊᖏᕈᑎᓂ ᑎᑎᕋᖅᑕᐅᓯᒪᔪᑦ ᓇᓗᓇᐃᖅᑕᐅᓯᒪᔾᔪᑎᖃᖅᑐᑎᒃ ᑲᑐᔾᔨᖃᑎᒌᓐᓂᖏᓐᓂᒃ ᐊᒻᒪᓗ ᐱᓇᓱᐊᕈᑎᒃᒋᓂᐊᖅᑕᖏᓐᓂᒃ ᑖᒃᑯᐊ ᐊᖏᖃᑎᒌᓯᒪᔪᑦ ᐃᓄᐃᑦ ᓄᓇᕗᒻᒥ ᓇᓗᓇᐃᖅᑕᐅᓯᒪᔪᓂ ᓄᓇᓖᑦ ᐊᒻᒪᓗ ᐊᖏᔪᖅᑳᕐᔪᐊᖅ ᑯᐃᓐ ᑭᒡᒐᑐᖅᑕᐅᓪᓗᓂ ᑲᓇᑕᐅᑉ ᒐᕙᒪᒃᑯᖏᓐᓄᑦ (ᒐᕙᒪᑐᖃᒃᑯᑦ ᐊᒻᒪᓗ ᓄᓇᕗᑦ ᒐᕙᒪᖏᓐᓂᒃ). ᐃᓛᒃᑯᑦ 7 - ᓄᓇᓕᕋᓛᑦ ᐊᑕᖏᖅᓯᒪᔪᖅ ᑎᑎᕋᖅᑕᐅᓯᒪᓂᖓ ᐃᓛᒃᑯᑦ 7 ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᑲᒪᖃᑦᑕᖅᑐᑦ ᑖᑦᓱᒥᖓᑐᐊᖅ ᐃᓚᒃᑰᖓᓂᖓᓂᒃ ᓄᓇᓕᕋᓛᖅᑖᕈᒪᔪᖃᕋᐃᒻᒪᑦ ᐃᑦᑕᕐᓂᓴᖃᕐᕕᐅᔪᓂ ᓄᓇᓂ. ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑏᑦ ᐊᑐᐊᖅᓯᔾᔪᑎᓕᐅᕈᓐᓇᖅᑐᑦ ᐊᑐᖅᑕᐅᖃᑦᑕᕐᓂᖓᓄᑦ ᐊᒻᒪᓗ ᓄᓇᓕᕋᓛᖃᕐᕕᐅᓂᖓᓄᑦ. ᐃᓛᒃᑯᑦ 33 - ᐃᑦᑕᕐᓂᓴᓕᕆᓂᖅ ᐊᑕᖏᖅᓯᒪᔪᖅ ᑎᑎᕋᖅᓯᒪᓂᖓ ᐃᓛᒃᑯᑦ 33 ᐃᓛᒃᑯᑦ 33 ᓇᓗᓇᐃᖅᓯᒪᔪᑦ ᐅᖃᐅᓯᖅᑕᖏᑦ ᐃᑦᑕᕐᓂᓴᓕᕆᓂᕐᒨᖓᔪᓂᒃ, ᐃᓕᓴᖅᓯᐅᒪᒍᑕᐅᔪᑦ ᐃᓄᐃᑦ ᑲᒪᖃᑕᐅᑦᓯᐊᕈᓐᓇᕐᓂᖏᓐᓂᒃ ᐃᑦᑕᕐᓂᓴᓕᕆᓂᕐᒨᖓᔪᓂᒃ ᑐᖅᑯᖅᑐᖅᑕᐅᓯᒪᔪᓂᒃ ᑕᕐᓂᒃᑯᑦ, ᐃᓕᖅᑯᓯᒃᑯᑦ, ᐅᑉᐱᓐᓂᕐᒥᒍᑦ ᐊᒻᒪᓗ ᐃᓕᓐᓂᐊᕈᑎᒃᓴᐅᔪᑎᒍᑦ ᐊᒻᒪᓗ ᐃᓄᐃᑦ ᐊᒻᒪᓗ ᒐᕙᒪᒃᑯᑦ ᑕᒪᒃᑮᒃ ᑲᑐᔾᔨᓗᑎᒃ ᑲᒪᒍᒪᑦᓯᐊᕐᓂᖏᑦ ᐊᒻᒪᓗ ᑲᒪᒋᔭᒃᓴᖃᕐᓂᖏᑦ ᐊᐅᓚᑦᓯᓂᕐᒥᒃ ᐊᒻᒪᓗ ᓴᐳᔾᔨᓯᒪᓂᕐᒥᒃ ᐱᐅᒃᑯᑎᒥᓂᕐᓂᒃ. ᐊᒻᒪᓗᑦᑕᐅᖅ ᑕᕝᕙᓃᒻᒥᔪᑦ ᐃᓛᒃᑰᖓᓂᖓᓂ, ᐅᖃᖅᓯᒪᓂᖃᕐᒥᔪᑦ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᓂᒃ ᓴᖅᑭᖅᑐᖃᕆᐊᖃᕐᓂᖓᓂᒃ ᑖᒃᑯᓇᓐᖔᖅᓯᒪᖃᑕᐅᓂᐊᖅᑐᒥᒃ ᑐᓐᖓᕕᒃᑯᓐᓂᒃ (ᓄᓇᕗᑦ ᑐᓐᖓᕕᒃ ᑎᒥᖓ) ᐊᒻᒪᓗ ᑲᒪᖃᑦᑕᕐᓗᓂ ᐃᑲᔪᖅᓱᐃᓂᕐᒥᒃ, ᑲᔪᖏᖅᓴᐃᓂᕐᒥᒃ, ᐊᒻᒪᓗ ᐅᖃᖅᑎᐅᖃᑦᑕᓂᒃᑯᑦ ᐊᐅᓚᑦᓯᓂᕐᒥᒃ ᐅᖃᖃᑎᒌᓐᓂᐅᔪᓂᒃ, ᐋᖅᑭᐅᒪᑎᑦᓯᓂᕐᒥᒃ, ᐋᖅᑭᒋᐊᕆᐊᖃᑦᑕᕐᓂᕐᒥᒃ ᐊᒻᒪᓗ ᓴᖅᑭᔮᖅᑎᑦᓯᓂᕐᒥᒃ ᐃᑦᑕᕐᓂᓴᖃᕐᕕᐅᔪᓂᒃ ᓄᓇᓂᒃ ᐊᒻᒪᓗ ᐱᐅᒃᑯᑎᒥᓂᕐᓂᒃ ᓄᓇᕗᑦ ᓄᓇᖓᑕ ᓇᓗᓇᐃᖅᑕᐅᓯᒪᓂᖓᓂᒃ, ᐊᒻᒪᓗᑦᑕᐅᖅ ᐊᓯᖏᓐᓂᒃ ᐊᐅᓚᑕᐅᓂᐅᖃᑦᑕᓂᐊᖅᑐᓂᒃ ᓇᓗᓇᐃᖅᑕᐅᓯᒪᔪᓂᒃ ᐊᖏᕈᑎᓂ. ᐃᓛᒃᑯᑦ 34 - ᐃᓕᖅᑯᓯᑐᖃᕆᔭᐅᔪᑦ ᐊᒻᒪᓗ ᐃᑦᑕᕐᓂᓴᐃᑦ ᑎᑎᕋᖅᑕᐅᓯᒪᔪᑦ ᐊᑕᖏᖅᓯᒪᔪᖅ ᐃᓛᒃᑯᑦ 34 ᐃᓛᒃᑯᑦ 34 ᓇᓗᓇᐃᖅᓯᒪᔪᑦ ᐅᖃᐅᓯᖅᑕᖏᑦ ᑖᒃᑯᓄᓐᖓᖓᔪᑦ ᐃᓛᒃᑰᖓᓂᖓᓄᑦ, ᐅᖃᖅᓯᒪᔪᖅ ᐃᓕᖅᑯᓯᑐᖃᕆᔭᐅᔪᓅᖓᔪᓕᒫᑦ ᐱᓕᕆᐊᒃᓴᐅᔪᑦ ᓄᓇᕗᒻᒥ ᑖᒃᑯᓇᓐᖔᖅᓯᒪᔭᕆᐊᖃᖅᑎᑕᐅᔪᑦ ᐃᖅᑲᓇᐃᔭᕐᓂᕐᒧᑦ ᐊᒻᒪᓗ ᐃᓕᓐᓂᐊᕈᑎᒋᔭᐅᔪᓅᖓᔪᑦ ᑎᑎᕋᖅᓯᒪᓂᖏᑦ ᓇᓗᓇᐃᖅᑕᐅᓯᒪᔪᑦ ᐃᓛᒃᑯᑦ 23-ᖓᓂ ᐊᒻᒪᓗ ᑲᑐᔾᔨᖃᑎᒌᓐᓂᕆᔭᐅᔪᖅ ᓴᖅᑭᐅᒪᑎᑕᐅᓗᓂ ᑕᒪᒃᑯᐊ ᐱᐅᒃᑯᑎᒥᓃᑦ ᑕᑯᔭᒐᖃᕐᕕᐅᔪᓂᒃ ᐊᓯᖏᓄᑦ ᐊᑐᖅᑕᐅᑎᑕᐅᖃᑦᑕᕈᓐᓇᖁᓪᓗᒋᑦ ᑕᑯᔭᒐᖃᕐᕕᐅᖃᑕᐅᔪᓂ ᓄᓇᕗᑦ ᓄᓇᖁᑖᓂ. ᓄᓇᕗᑦ ᒐᕙᒪᖓ ᐃᓄᐃᑦ ᓴᐅᓂᕕᓂᖏᓐᓄᑦ ᐊᑐᐊᒐᖅ ᐃᑦᓴᕐᓂᑕᓕᕆᔪᒪᔪᓄᑦ ᐱᔪᓐᓇᐅᑎᑖᕋᓱᐊᕈᑎ ᑕᑕᑎᒐᑦᓴᖅ ᐃᓕᖅᑯᓯᕆᔭᐅᕙᖕᓂᑯᓄᑦ ᖃᐅᔨᓴᕈᑎᒃᓴᓄᑦ ᒪᓕᒐᖅ ᐱᖁᑎᑐᖃᓕᕆᓂᕐᒧᑦ ᐱᖁᔭᖅ ᐃᑦᑕᕐᓂᓴᖃᕐᕕᐅᔪᓄᑦ ᓄᓇᓄᑦ ᐱᖁᔭᑦ |
ᐊᑕᖐᓯᒪᔪᓂᒃ ᑎᑎᕋᖅᓯᒪᔪᓂᒃ ᒪᓕᒐᒃᓴᐅᔪᓂᒃ ᐊᑐᐃᓐᓇᖅᑕᓕᒃ ᐃᖕᒥᒃᑰᖓᔪᒃᑯᑦ .pdf ᐱᑕᓕᒃ. |
 |
ᐅᖃᐅᓯᒃᓴᑎᑦ ᐊᐅᓪᓚᑎᓪᓗᒋᑦ ᐃᑭᐊᖅᑭᔾᔪᑎᒧᑦ ᐅᕗᖓ ᑖᒃᑯᓇᓂᓕᒫᖅ ᑎᑎᕋᖅᓯᒪᔪᑦ ᐃᑭᐊᖅᑭᔾᔪᑎᑦᑎᓐᓂ ᒪᓕᒐᖅᑎᒍᑦ ᐃᔾᔪᐊᖅᑕᐅᔾᔭᐃᒃᑯᑎᓖᑦ © ᐱᒋᔭᐅᓂᖏᓐᓂᒃ ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᒃᑯᓐᓄᑦ. |
ᐅᕝᕙᓘᓐᓃᑦ ᓇᓕᑐᐃᓐᓇᑎᓐᓂᒃ ᑐᓴᕆᐊᕐᕕᖃᕈᒪᒍᕕᑦ ᑖᒃᑯᓇᓃᑦᑐᑦ ᐃᖅᑲᓇᐃᔭᖅᑏᑦ-ᓚᓯᒪᔪᓂ.