ᐱᓕᕆᐊᖑᔪᑦ: ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ | ||||||||||||||||
ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ ᓴᖅᑭᖅᑕᐅᓚᐅᖅᑐᑦ ᒪᐃ 9, 2002 ᐃᑲᔫᑎᒃᓴᓂᒃ ᐱᖁᑎᑐᖃᒥᓂᓕᕆᔨᐅᔪᓂᒃ ᓄᓇᕗᒥ. ᐱᓇᓱᐊᕋᑦᓴᖏᑦ: a) ᔭᒐᔾᔭᐃᕐᓯᓗᑎᒃ ᐃᓕᓴᕆᔭᐅᓯᒪᔪᓂᒃ ᐱᖁᑎᑐᖃᒥᓂᕐᓂᒃ ᔭᒐᔾᔭᐃᕐᓯᓯᒪᓂᕐᒥᒃ ᐃᓕᖅᑯᓯᕐᒥᒃ, ᐊᑐᖅᑕᐅᓯᒪᔪᓂᒃ b) ᐊᐅᓚᑦᓯᖃᑎᒌᓪᓗᑎᒃ ᐃᓚᒋᔭᐅᔪᑦ, ᑐᖅᑯᖅᑕᐅᓯᒪᔪᓂᒃ ᐱᖁᑎᓕᕆᔩᑦ, ᐱᖅᑯᓯᑐᖃᓕᕆᔩᑦ ᓴᓴᐃᔭᑎ ᒐᕙᒪᓂ c) ᑲᔪᖏᕐᓴᐃᓗᑎᒃ ᓴᖅᑮᓂᕐᒥᒃ ᔭᒐᔾᔭᐃᕐᓯᓯᒪᓂᕐᒥᒃ ᐱᖁᑎᑐᖃᒥᓂᕐᓂᒃ ᐊᒻᒪᓗ ᐊᓯᖏᓐᓂᒃ d) ᐋᖅᑭᑦᓱᐃᖃᑎᒌᓪᓗᑎᒃ ᐃᓚᒋᔭᐅᔪᑦ, ᐊᑐᖅᑕᐅᖃᑦᑕᓲᓂᒃ ᑎᒍᓯᓂᕐᒧᑦ, ᓴᐳᔾᔨᓯᒪᓂᕐᒧᑦ, ᐊᐅᓚᑦᓯᓂᕐᒧᑦ e) ᒪᓂᒪᑎᑦᓯᓂᖅ ᐃᑲᔫᑎᒃᓴᓂᒃ ᐅᖃᐅᔾᔨᒋᐊᖃᑦᑕᓂᒃᑯᑦ, ᐱᓕᖕᒪᒃᓴᐅᑎᒃᓴᑎᒍᑦ ᐊᒻᒪᓗ ᐊᓯᖏᑎᒍᑦ ᐃᑲᔫᑎᒃᓴᑎᒍᑦ. f) ᖃᐅᔨᔭᐅᒃᑲᓐᓂᕈᑎᒃᓴᓂᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐃᓕᓴᕆᔭᐅᓂᒃᑯᑦ, ᑎᑎᕋᕐᓯᒪᔪᒃᑯᑦ, ᐊᒻᒪᓗ ᔭᒐᔾᔭᐃᕐᓯᓯᒪᓂᒃᑯᑦ ᐱᖅᑯᓯᒃᑯᑦ ᖃᐅᒪᓂᐅᔪᓂᒃ ᑐᓐᖓᕕᒋᔭᐅᓗᓂ ᐋᖅᑭᐅᒪᑦᓯᓂᕐᒧᑦ
ᑲᒪᒋᔭᐅᖃᑦᑕᕐᓯᒪᓂᖓ/ᐱᓇᓱᐊᖅᑕᐅᓯᒪᓂᖓ ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ ᓯᕗᓪᓕᕐᐹᒥ ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ ᐱᓐᖑᖅᑎᑕᐅᓚᐅᖅᑐᑦ ᒪᐃ 8, 2002-ᒥ ᐊᒻᒪᓗ ᑕᐃᔭᐅᓪᓗᑎᒃ 'ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ'. ᑕᐃᑦᓱᒪᓂ ᓯᕗᓪᓕᕐᐹᑦ ᑲᑎᒪᔩᑦ ᓴᖅᑭᖅᑕᐅᒋᐊᓐᖓᓚᐅᖅᑐᑦ. ᓯᕗᓪᓕᐹᑦᓯᐊᒥ ᐅᑭᐅᖅᑕᖅᑐᒥ ᐊᕕᑦᑐᕐᓯᒪᓂᓕᒫᖏᓐᓂ ᑲᑎᒪᓚᐅᖅᑐᑦ ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ ᐃᖃᓗᑦᑑᑦᑎᐊᒥ ᐊᐅᒡᒍᓯ 2004-ᒥ. ᑕᐃᑦᓱᒪᓂᐅᑎᓪᓗᒍ ᐃᓚᒋᔭᐅᔪᑦ ᑕᑕᑎᕆᑐᐃᓐᓇᓚᐅᖅᑐᑦ ᐃᓚᒋᔭᐅᔾᔪᑎᑖᕐᓂᕐᒧᑦ ᑕᑕᑎᕋᑦᓴᒥᒃ ᐃᓚᒋᔭᐅᔾᔪᑎᑖᕋᓱᐊᕈᒪᒍᑎᒃ. ᐱᖁᑎᑐᖃᒥᓂᓕᕆᔩᑦ ᐊᖏᓪᓕᔪᒻᒪᕆᐅᓪᓗᑎᒃ ᐱᕈᓚᐅᖅᑐᑦ, ᐃᓚᒋᔭᐅᓪᔪᑎᓄᑦ ᐊᑭᓖᒍᑎᒃᓴᖅ ᐋᖅᑭᑦᑕᐅᓪᓗᓂ 2006-ᒥ (ᐅᖄᓚᐅᑎᒃᑯᑦ ᑲᑎᒪᓂᕐᒥ) ᐊᕐᕌᒍᑕᒫᕐᓯᐅᒻᒥ ᑲᑎᒪᑎᓪᓗᒋᑦ ᐃᑲᔫᑎᒃᓴᐅᓪᓗᑎᒃ ᑮᓇᐅᔭᖃᖅᑎᑦᓯᓂᕐᒧᑦ ᐊᑐᖅᑕᐅᕙᑦᑐᓂᒃ ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᓐᓄᑦ ᓄᓇᕗᒻᒥ ᐊᐅᓚᓂᖏᓐᓄᑦ ᓲᕐᓗ ᑐᓵᔨᖃᕆᐊᖃᕐᓂᕐᒧᑦ ᐊᒻᒪᓗ ᐅᖄᓚᐅᑎᒃᑯᑦ ᑲᑎᒪᖃᑦᑕᕆᐊᖃᕐᓂᕐᒧᑦ. ᑕᑉᕙᓂᑦᓴᐃᓐᓇᖅ ᑲᑎᒪᓂᕐᒥ, ᐊᑎᖓ ᐊᓯᔾᔨᖅᑕᐅᓚᐅᖅᑐᑦ 'ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ' ᐊᒻᒪᓗ ᐊᓯᖏᑎᒍᑦ ᐅᖃᐅᓰᑦ ᐋᖅᑭᒋᐊᖅᑕᐅᓪᓗᑎᒃ. 2007-ᒥ ᐊᕐᕌᒍᑕᒫᕐᓯᐅᒻᒥᒃ ᑲᑎᒪᓚᐅᖅᑐᑦ ᐃᖃᓗᓐᓂ ᑕᐃᑲᓂ ᑭᒃᑯᑐᐃᓐᓇᕐᓄᑦ ᐅᔾᔨᕆᔭᐅᒃᑲᓐᓂᑎᑦᓯᓇᓱᐊᕐᓂᕐᒧᑦ ᖃᐅᔨᒪᔭᐅᒃᑲᓐᓂᕈᑎᒃᓴᓂᒃ ᐱᕙᓪᓕᐊᓕᕐᓱᑎᒃ ᓴᖅᑭᔮᖅᑎᑦᓯᒋᐊᒃᑲᓐᓂᕈᑎᒃᓴᑦ ᓴᖅᑭᑕᐅᓪᓗᑎᒃ ᐊᒻᒪᓗ ᑐᓂᔭᐅᓪᓗᑎᒃ ᐃᒪᒋᕙᐅᔪᓄᑦ ᑐᓂᐅᖅᑲᖅᑕᐅᖁᔭᐅᓪᓗᑎᒃ ᓄᓇᒥᖕᓅᕐᐸᑕ. ᐊᐅᓚᑕᖏᑦ ᐱᖁᑎᑐᖃᒥᓂᓕᕆᔨᒃᑯᑦ ᑲᑎᒪᔨᖏᑦ ᓄᓇᕗᒻᒥ ᐱᖁᑎᑐᖃᒥᓂᓕᕆᔨᒃᑯᑦ ᑲᑎᒪᖏᔨᑦ ᐊᕐᕌᒍᑕᒫᕐᓯᐅᒻᒥᒃ ᑲᑎᒪᖃᑦᑕᖅᑐᑦ, ᓂᑭᑦᑖᕐᓱᒋᑦ ᑲᑎᒻᒪᓪᓗᑎᒃ ᑲᑎᒪᓂᕆᕙᑦᑕᖏᑦ ᐊᒻᒪᓗ ᐅᖄᓚᐅᑎᒃᑯᑦ ᑲᑎᒫᔩᑦ ᐊᑭᖃᕆᐊᖃᕐᓂᖓᓄᑦ ᖃᖓᑦᑕᐅᑎᓂᒃ ᐅᑭᐅᖅᑕᖅᑐᒥ ᐊᕕᑦᑐᕐᓯᒪᓂᖓᓂ. 2005-ᒥ ᐱᖁᑎᑐᖃᒥᓂᓕᕆᔨᒃᑯᑦ ᑲᑎᒪᔨᖏᑦ ᓄᓇᕗᒻᒥ ᐊᐅᓚᑦᓯᕙᓪᓕᐊᓕᓚᐅᖅᑐᑦ ᑲᓇᑕᒥ ᐱᖁᑎᑐᖃᒥᓂᓕᕆᔨᐅᔪᓂᒃ ᐱᕙᓪᓕᐊᑎᑦᓯᓂᕐᒧᑦ ᐱᓕᕆᐊᒥᒃ ᓄᓇᕗᒻᒥ ᑭᒡᒐᖅᑐᐃᓪᓗᑎᒃ ᑲᓇᑕᒥ ᑲᑎᒪᔨᖏᑦ ᐱᖁᑎᑐᖃᒥᓂᓕᕆᔨᒃᑯᑦ. ᐊᕐᕌᒎᑕᒫᑦ ᑭᒡᒐᖅᑐᐃᔨᒥᒃ ᐱᖁᑎᑐᖃᒥᓂᓕᕆᔨᒃᑯᑦ ᑲᑎᒪᔨᖏᓐᓂᒃ ᓄᓇᕗᒻᒥ ᐋᑐᕚᓕᐊᖅᑐᖃᖃᑦᑕᖅᑐᖅ ᐃᓚᒋᔭᐅᓂᐊᖅᑐᒥᒃ ᑲᓇᑕᒥ ᑲᑎᒪᔨᖏᑦ ᐱᖁᑎᑐᖃᒥᓂᓕᕆᔨᒃᑯᓐᓄᑦ, ᑲᑎᒪᓂᕆᕙᑦᑕᖏᓐᓄᑦ ᐊᒻᒪᓗ ᑭᒡᒐᖅᑐᐃᓗᓂ ᓄᓇᕗᑦ ᐱᔪᒪᔭᖏᓐᓂᒃ. ᐱᓇᓱᐊᕋᑦᓴᕆᔭᖏᑦ ᒥᓇᖃᑦᑕᕐᓂᖅ ᑐᓴᐅᒪᔾᔪᑎᒃᓴᓂᒃ ᑖᒃᑯᓄᓐᖓᖓᔪᓂᒃ ᒥᓇᕆᔭᐅᖁᓪᓗᒋᑦ ᐊᓯᖏᓐᓄᑦ ᐱᖁᑎᑐᖃᒥᓂᓕᕆᔨᐅᔪᓄᑦ ᑲᑎᒪᔨᓄᑦ ᓄᓇᕗᒻᒥ ᐃᓚᒋᔭᐅᔪᓄᑦ ᓄᓇᕗᓕᒫᒥ. ᐊᑐᕋᑦᓴᑦ ᑲᓇᑕᒥ ᑲᑎᒪᔨᖏᑦ ᐱᖁᑎᑐᖃᒥᓂᓕᕆᔨᒃᑯᑦ (CCA) ᑲᓇᑕᒥ ᐊᕕᑦᑐᕐᓯᒪᔪᓂ ᐊᒻᒪᓗ ᐅᑭᐅᖅᑕᖅᑐᒥ ᐱᖁᑎᑐᖃᒥᓂᓕᕆᔩᑦ ᑲᑐᔾᔨᖃᑎᒌᖏᑦ ᐱᖁᑎᑐᖃᒥᓂᓕᕆᔩᑦ ᑲᑎᒪᔨᖏᑦ ᓄᓇᕗᒻᒥ ᐃᑭᐊᖅᑭᔾᔪᑎᖓ ᑲᓇᑕᒥ ᑲᑎᒪᔨᖏᑦ ᐱᖁᑎᑐᖃᒥᓂᓕᕆᔨᒃᑯᑦ (CCA) ᐊᑖᓃᑦᑐᖅ |
ᐱᖁᑎᑐᖃᒥᓃᑦ ᓇᓗᓇᐃᖅᑐᖅᑕᐅᓯᒪᖃᑕᐅᔪᑦ ᐃᓚᒋᔭᐅᓪᓗᑎᒃ ᐸᐃᑉᐹᑦ, ᑎᑎᕋᖅᑕᐅᖃᑦᑕᕐᓯᒪᔪᑦ ᐊᑐᖅᑕᐅᔪᓂᒃ, ᓴᖅᑭᖅᑕᐅᓯᒪᓐᖏᑦᑐᑦ ᑎᑎᕋᕐᓯᒪᔪᑦ, ᐅᖃᓕᒫᒐᐃᑦ ᐱᑕᖃᕋᔪᐃᑦᑐᑦ, ᐊᔾᔨᓕᐅᒐᑦ, ᐊᐅᓚᔫᓕᐅᒐᑦ, ᐊᒥᓲᓗᐊᓐᖏᑦᑐᑦ ᐱᖓᓲᓕᖅᑲᖓᔪᒥᒃ ᑕᑯᓐᓇᕋᑦᓴᑦ ᑭᓱᑐᐃᓐᓇᐃᑦ, ᓂᐱᓕᐅᒐᑦ ᐊᒻᒪᓗ ᑭᓱᑐᐃᓐᓇᐃᑦ-ᐱᕙᓪᓕᐊᔪᑎᒍᑦ ᓴᖅᑭᔮᖅᑎᑦᓯᒍᑕᐅᓯᒪᔪᓂᒃ ᑐᖅᑯᖅᑐᐃᕕᐅᖃᑦᑕᕐᓯᒪᔪᑦ (ᓲᕐᓗ, ᖃᕆᓴᐅᔭᒧᑦ ᐃᓕᒋᐊᓖᑦ ᐊᕿᓐᓂᕐᓴᑦ ᑎᑎᕋᕐᕖᑦ, ᕿᓪᓕᖅᑐᑦ).
ᐊᒃᑐᐊᔪᑦ ᐱᖁᑎᑐᖃᒥᓂᓕᕆᔨᒃᑯᑦ ᑲᑎᒪᔨᖏᑦ ᓄᓇᕗᒻᒥ ᑎᑎᕋᕐᓯᒪᔪᑦ
|