ᐱᓕᕆᐊᒃᓴᑦ: ᑎᑭᑎᑕᐅᖃᑦᑕᖅᑐᖅ ᔭᒐᔾᔭᐃᕐᓯᓂᕐᒧᑦ ᐱᓕᕆᐊᖅ  

ᔭᒐᔾᔭᐃᕐᓯᔨ ᑎᑭᑎᑕᐅᖃᑦᑕᕐᓂᖓ − ᑐᒃᓯᕋᐅᓯᐅᖁᔨᔾᔪᑏᑦ

ᐃᓄᐃᑦ ᐱᖁᑎᖏᓐᓂᒃ ᓇᐅᑦᓯᑐᖅᑎᒃᑯᑦ ᒪᓂᒪᑎᑦᓯᔪᑦ ᐱᖅᑯᓯᑐᖃᓕᕆᔾᔪᑎᒃᓴᓂᒃ ᓄᓇᕗᒻᒥ ᐱᕕᒃᓴᖃᖅᑎᑕᐅᓪᓗᑎᒃ ᐊᐅᓚᑦᕕᒋᔭᖓ ᐊᒻᒪᓗ ᓄᐊᑕᖏᑦ ᖃᐅᔨᓴᖅᑕᐅᒍᓐᓇᖁᓪᓗᒋᑦ ᐊᔪᓐᖏᔾᔪᑎᓕᖕᒧᑦ ᔭᒐᔾᔭᐃᕐᓯᔨᒧᑦ. ᔭᒐᔾᔭᐃᕐᓯᔨ ᐱᓇᓱᐊᕐᕕᒋᔭᕐᓄᑦ ᑎᑭᑎᑕᐅᓗᓂ ᐊᒻᒪᓗ ᐅᓪᓗᓐᓂᒃ ᒪᕐᕉᓐᓂᒃ ᐱᖓᓱᓄᑦ ᖃᐅᔨᓴᖃᑎᖃᕈᓐᓇᖅᑐᖅ ᐃᓕᓐᓂᒃ ᐊᕙᑎ ᖃᓄᐃᓐᓂᖓᓂᒃ ᐱᓕᕆᕕᒋᔭᕐᓂ ᐊᒻᒪᓗ ᖃᓄᐃᓐᓂᕆᔭᖏᓐᓂᒃ ᓄᐊᓯᒪᔭᕕᑦ ᐅᕝᕙᓘᓐᓃᑦ ᖃᓄᐃᓐᓂᕆᔭᖓᓂᒃ ᐊᑕᐅᓯᕐᒥᒃ ᐱᓇᓱᐊᒐᐅᔪᒥᒃ. ᐋᔩᕋᖃᑎᒋᔪᓐᓇᖅᑕᑦ ᐊᐱᖅᑯᑎᓂᒃ ᓄᐊᑦᓯᓂᕐᒧᑦ ᐊᐅᓚᑦᓯᓂᕐᒥᒃ, ᓄᐊᑕᐅᓯᒪᔪᓂᒃ ᐃᑉᐱᒍᓱᑦᓯᐊᓂᕐᒥᒃ ᐊᒻᒪᓗ ᔭᒐᔾᔭᐃᕐᓯᖃᑎᖃᕐᓂᕐᒥᒃ ᔭᒐᔾᔭᐃᕐᓯᔨᒥᒃ ᑕᒫᓃᓐᓂᖓᓂ ᐱᓕᕆᕕᒋᔭᐅᔪᒥ.

ᔭᒐᔾᔭᐃᕐᓯᔨ ᑎᑎᕋᕐᓂᐊᖅᑐᖅ ᐅᓂᒃᑳᓂᒃ ᐅᐸᓚᐅᖅᑕᒥᓂᒃ ᑎᑎᕋᕈᑎᖃᕐᓗᓂ ᐊᑐᓕᖁᔨᔾᔪᑎᓂᒃ ᐱᕚᓪᓕᕈᑎᒃᓕᐅᕐᓯᒪᓗᓂ ᐱᓕᕆᕕᒋᔭᕐᓂ ᐊᒻᒪᓗ ᑐᓂᓗᒋᑦ ᓇᐅᑦᓯᑐᖅᑎᑯᓐᓄᑦ ᐊᒻᒪᓗ ᑎᒥᐅᔪᒧᑦ ᐱᓇᓱᐊᕐᕕᒋᔭᕐᓄᑦ ᐱᔭᕆᐊᑭᑦᑐᒃᑯᑦ ᓇᓗᓇᐃᕐᓯᑦᓴᐅᑎᒋᔾᔪᑎᒃᓴᓐᓂᖅ ᓯᕗᓪᓕᐅᔾᔭᐅᔭᕆᐊᓕᖁᑎᖕᓂᒃ ᖃᐅᔨᒋᐊᖅᑕᐅᑲᓐᓂᕐᓂᖓᓂ ᐱᓇᓱᐊᕋᑦᓴᓂᒃ ᐱᕚᓪᓕᑎᑦᓯᓂᕐᒧᑦ ᐃᑉᐱᒍᓱᑦᓯᐊᓂᕐᒧᑦ ᓈᖕᒪᐃᓐᓇᕈᑎᒃᓴᖓᓂᒃ ᐱᓕᕆᕕᒋᔭᕐᓂ ᐱᔨᑦᓯᕈᑎᓄᑦ ᐊᒻᒪᓗ ᓄᐊᓯᒪᔭᕐᓄᑦ.

ᔭᒐᔾᔭᐃᕐᓯᔨᐅᔪᒧᑦ ᑎᑭᑕᐅᒍᒪᒍᕕᑦ ᐱᓕᕆᕕᒋᔭᕐᓄᑦ ᐊᒻᒪᓗ/ᐅᑉᕙᓘᓐᓃᑦ ᓄᐊᑦᓯᓂᕐᒧᑦ ᐅᕝᕙᓘᓐᓃᑦ ᑐᑭᓯᒋᐊᒃᑲᓐᓂᕈᒪᒍᕕᑦ ᑎᑭᑕᐅᖃᑦᑕᓂᕐᒧᑦ ᐱᓇᓱᐊᕐᕕᒋᔭᐅᔪᓄᑦ ᖃᐅᔨᒋᐊᕆᑦ ᓇᐅᑦᓯᑐᖅᑎᑯᑦ ᐱᓕᕆᐊᒃᓴᓕᕆᔨᖓᓄᑦ ᑐᐊᔅᑎᓐ ᑏᔪ (867-979-0731, tdiesel@ihti.ca).

ᑐᒃᓯᕋᐅᓯᐅᕐᕕᒃᓴᖅ ᖃᖓᓕᒫᖅ ᐊᕐᕌᒍᒥ.

ᐱᓇᓱᐊᕐᕕᓚᑦᑖᒨᖅᑎᑕᐅᓂᖓ ᓯᕗᕐᖓᒍᑦ ᐊᖏᕈᑕᐅᓯᒪᖅᑳᕆᐊᓕᒃ ᐱᓇᓱᐊᕐᕕᒋᔭᕐᓄᑦ ᐊᒻᒪᓗ ᔭᒐᔾᔭᐃᕐᓯᔨᒧᑦ.

ᑲᒪᒋᔭᐅᖃᑦᑕᕐᓯᒪᓂᖓ

ᓄᓇᕗᑦ ᒫᓐᓇ ᔭᒐᔾᔭᐃᕐᓯᔨᖃᓐᖏᑦᑐᖅ ᐃᑲᔪᖅᑐᒃᓴᒥᒃ ᐱᖅᑯᓯᑐᖃᓕᕆᕕᖕᓄᑦ ᑲᑐᔾᔨᖃᑎᒌᓄᓪᓗ ᓴᐳᔾᔭᐅᓯᒪᒍᑎᒃᓴᓂᒃ ᓄᐊᓯᒪᔭᖏᓐᓄᑦ, ᐊᓪᓛᑦ ᐃᑲᔪᖅᑕᐅᔾᔪᑎᒃᓴᖏᓐᓄᑦ ᑎᑭᐅᑎᔭᒥᓂᒃ ᑐᖅᑯᐃᕕᒃᓴᒥᒃ ᐊᒻᒪᓗ ᓴᖅᑭᔮᖅᑎᑦᓯᕕᒃᓴᒥᒃ ᑲᓇᑕᒥ ᐊᑐᖅᑕᐅᔭᕆᐊᓕᒃᑎᒍᑦ ᒪᓕᒐᖅᑎᒍᑦ. ᐃᓚᖏᑦ ᑲᑐᔾᔨᖃᑎᒌᑦ ᐃᖅᑲᓇᐃᔭᖅᑎᒥᓂᒃ ᑲᒪᖃᑦᑕᑎᒃᓯᔪᒃᓴᐅᔫᒐᓗᐊᑦ ᐃᓚᒋᔭᐅᓂᕐᒥᒍᑦ ᐊᐅᓚᑦᓯᒍᓐᓇᓂᕐᒥᒃ ᐊᑐᖅᑕᐅᔭᕆᐊᖃᓲᓂᒃ ᓄᐊᑕᐅᓯᒪᔪᑦ ᑲᒪᒋᔭᐅᒋᐊᖃᕐᓂᖏᓐᓂᒃ, ᐊᒻᒪᓗ ᐅᔾᔨᕈᓱᑐᐃᓐᓇᕆᐊᓖᑦ ᐊᕙᖕᒧᓕᖓᓂᖏᓐᓂᒃ ᐊᑐᖅᑕᐅᔭᕆᐊᖃᖅᑎᑕᐅᔪᑦ ᔭᒐᔾᔭᐃᕐᓯᓂᕐᒧᑦ, ᐃᖅᑲᓇᐃᔭᐅᑎᖃᓐᖏᓂᕐᒧᑦ ᐊᒻᒪᓗ ᐃᓕᓐᓂᐊᕐᓯᒪᓗᑎᒃ ᖃᐅᔨᒪᓂᖃᕆᐊᖃᕐᓂᕐᒧᑦ ᐊᑐᖅᑕᐅᒋᐊᓕᖕᓂᒃ ᐊᑐᐊᒐᕐᓂᒃ, ᓴᓇᒻᒪᖏᑎᒍᑦ ᑐᖅᑯᖅᑐᐃᕕᖃᑦᓯᐊᕆᐊᖃᕐᓂᕐᒧᑦ ᐊᑐᐊᕐᓯᔾᔪᑎᓂᒃ (ᐊᑐᖅᑕᐅᒋᐊᓕᖕᓂᒃ ᐱᓕᕆᐊᕆᔭᖏᓐᓄᖓᔪᓂᒃ) ᐊᒻᒪᓗ ᐊᐅᓚᑦᓯᓂᕐᒥᒃ ᔭᒐᔾᔭᐃᕐᓯᓂᕐᒧᑦ ᐱᓕᕆᐊᕆᔭᐅᒋᐊᖃᓲᓂᒃ

.

ᐊᕐᕌᒎᓂᐊᖅᑐᓂ, ᓇᐅᑦᓯᑐᖅᑏᑦ ᐱᓇᓱᐊᖃᑎᖃᕐᓂᐊᖅᑐᑦ ᓄᓇᓕᖕᓂᒃ ᐊᒻᒪᓗ ᔭᒐᔾᔭᐃᕐᓯᔨᓂᒃ (ᑲᓇᑕᒥ ᔭᒐᔾᔭᐃᕐᓯᓂᕐᒧᑦ ᑎᒥᐅᔪᖅ ᐊᒻᒪᓗ ᓇᖕᒥᓂᖃᖅᑐᑦ ᑳᓐᑐᓛᒃᓯᐅᓯᒪᓗᑎᒃ) ᐸᕐᓇᓪᓗᑎᒃ ᑎᑭᑎᑦᓯᓂᕐᒧᑦ ᑭᒃᑯᑐᐃᓐᓇᕐᓄᑦ ᓄᓇᕗᒻᒥ ᓄᐊᑕᐅᓯᒪᔪᓂᒃ ᐃᓚᒋᔭᐅᓯᒫᓂᓐᖏᑦᑐᓂᒃ ᓇᐅᑦᓯᑐᖅᑏᑦ 'ᑎᑭᑎᑦᓯᖃᑦᑕᕐᓂᖓᓄᑦ ᔭᒐᔾᔭᐃᕐᓯᔨᒥᒃ ᐱᓇᓱᐊᒐᖓᓂᒃ'. ᓇᓗᓇᐃᕐᓯᒪᒍᑕᐅᓗᓂ ᓈᖕᒪᑦᓯᐊᖅᑐᒥᒃ ᖃᐅᔨᓇᓱᐊᖅᑕᐅᒻᒪᕆᒋᐊᖃᕐᓂᖓᓂᓪᓗ ᓄᓇᕗᒻᒥ ᓄᐊᑕᐅᓯᒪᔪᓂᒃ. ᐱᔾᔪᑎᓪᓗᐊᑕᖓ ᐅᔾᔨᕐᓇᑎᑦᓯᒋᐊᕐᓂᖅ ᒫᓐᓇ ᖃᓄᐃᓕᖓᓂᖓᓂᒃ ᓄᓇᕗᒻᒥ ᓄᐊᑕᐅᓯᒪᔪᑦ ᓴᖅᑮᓗᑎᒃ 'ᖃᐅᔨᒋᐊᕐᓂᕐᒧᑦ' ᐅᓂᒃᑳᒥᒃ. ᑖᓐᓇ ᐊᑐᖅᑕᐅᓂᐊᖅᑐᖅ ᐋᖅᑭᑦᓱᐃᒍᑕᐅᓗᓂ ᐱᓕᖕᒪᒃᓴᐅᑎᒃᓴᓄᑦ ᑐᕌᒐᕐᓂᒃ ᓴᐳᔾᔨᓯᒪᓂᕐᒧᑦ, ᖃᐅᔨᓇᓱᐊᕈᑕᐅᓗᓂ ᐊᖏᓈᕐᓯᒪᔪᓂᒃ ᓂᐅᕕᕐᓂᕐᒧᑦ ᓴᐳᔾᔨᓯᒪᒍᑎᒃᓴᓂᒃ ᐊᒻᒪᓗ ᐊᕙᑎᒥᒃ ᓇᓗᓇᐃᖅᑑᑎᒃᓴᓂᒃ ᐃᖅᑲᓇᐃᔭᐅᑎᓂᒃ ᐃᑲᔫᑎᖃᕋᔭᖅᑐᓂᒃ ᐊᒻᒪᓗ ᐱᔪᒐᕐᓴᐅᑕᐅᒋᐊᒃᑲᓐᓂᕈᑎᒃᓴᓂᒃ ᐃᑲᔪᖅᑕᐅᔭᕆᐊᖃᕐᓂᕐᒧᑦ ᑖᒃᑯᓄᓐᖓᖓᔪᓄᑦ ᓄᐊᑕᐅᓯᒪᔪᓄᑦ ᑕᐃᒃᑯᓄᖓ ᓇᑉᐸᖅᑯᓯᓯᒪᔪᓄᑦ ᓴᐳᔾᔨᓯᒪᒍᑎᒃᓴᖏᓐᓂᒃ. ᑕᑉᕗᖓ ᑐᕌᒐᕐᒧᑦ ᑎᑭᐅᑎᒍᓐᓇᕈᑎᒃᓴᐅᓪᓗᓂ, ᐊᑐᓂᑦ ᑭᒃᑯᑐᐃᓐᓇᕐᓂᒃ ᓄᐊᑕᐅᓯᒪᔪᑦ ᓄᓇᕗᒻᒥ ᐅᐸᒃᑕᐅᓯᒪᒋᐊᓕᒃ. [ᑭᖑᓂᐊᓃᑦᑐᑦ 'ᐱᓇᓱᐊᕐᕕᐅᔪᑦ ᐅᐸᑦᑕᐅᒋᐊᓖᑦ' ᑎᑎᕋᕐᓯᒪᓂᖓ ᐲᖅᑕᐅᓯᒪᔪᖅ]

ᐃᑲᔫᑎᒃᓴᑦ

ᑲᓇᑕᒥ ᔭᒐᔾᔭᐃᕐᓯᔨᒃᑯᑦ ᑎᒥᖓ

ᕗᕌᑕᑦ, ᓱᓇᒃᑯᑖᖃᖅᑎᑦᓯᔨ ᔭᒐᔾᔭᐃᕐᓯᔾᔪᑎᒃᓴᓂᒃ ᑖᒃᑯᓂᖓᑦᓯᐊᖅ ᓱᓇᒃᑯᑖᓂᒃ ᐱᖁᑎᓂᓪᓗ

 

 

 

ᑲᑐᔾᔨᖃᑎᒌᑦ ᓄᐊᑦᓯᓯᒪᔪᑦ ᑲᒪᒋᔭᒃᓴᓖᑦ ᓴᐳᔾᔨᓂᕐᒥᒃ ᔭᒐᔾᔭᐃᕐᓯᒪᑦᓯᓂᕐᒥᓪᓗ ᓄᐊᑕᐅᓯᒪᔪᓂᒃ ᓇᖕᒥᓂᖁᑎᑖᕆᓯᒪᔭᒥᓂᒃ ᑲᒪᒋᐊᖃᕐᓂᕐᒧᑦ, ᓯᕗᓂᑦᑎᓐᓂ ᑭᖑᕚᒃᓴᕗᑦ ᐱᕕᒃᓴᖃᖅᑎᑕᐅᒍᑎᒃᓴᖏᓐᓄᑦ ᖁᕕᐊᒋᓗᒋᑦ ᐃᓕᓐᓂᐊᕐᕕᒋᖃᑦᑕᕐᓗᒋᓪᓗ.

ᑳᓖᑦ ᕼᐃᓕ, ᔭᒐᔾᔭᐃᕐᓯᔨ ᐋᔩᕋᖃᑎᓕᒃ ᔭᒐᔾᔭᐃᕐᓯᓂᕐᒨᖓᔪᓂᒃ ᑲᐃᕋ ᕕᓴᒥᒃ ᐅᖅᑯᕐᒥᐅᑦ ᓴᓇᐅᒐᓕᕆᕕᖓᓂ ᐸᓐᓂᖅᑑᒥ